Түрік қорғаныс өнеркәсібі отандық және ұлттық технологияларымен жаһандық аренадағы қуатын күн өткен сайын арттырып келеді. Бұл қарқынды өсімді халықаралық сарапшылар да жіті бақылауда.
Америка Құрама Штаттарында (АҚШ) орналасқан беделді әскери баспа «Defense News» тарапынан жыл сайын әзірленетін, әлемдегі ең ірі 100 қорғаныс компаниясы сараланатын «Defense News Top 100» тізімі жарияланды.
“ASELSAN” 40-шы, “TUSAŞ” 48-ші орында
Түркиядан 5 қорғаныс компаниясы әлемнің ең ірі алпауыттары қатарына енді.
“ASELSAN” электронды соғыс, байланыс және радар жүйелеріндегі қуатымен өсімін жалғастырды.
Өткен жылмен салыстырғанда 3 сатыға жоғарылаған компания 40-шы орынға орнығып, Түркияның тізімдегі ең жоғары сатыдағы өкілі атанды. “TUSAŞ” тізімде 48-ші орыннан көрінді.
Өндірістік қуаты мен қарқынды өсуімен назар аударған “ARCA Savunma” тізімге 53-ші орында еніп, әлемдік қорғаныс алпауыттарының қатарына қосылды. Зымыран, ракета және оқ-дәрі технологияларында маңызды жобаларды жүзеге асырған “ROKETSAN” 64-ші орынға көтерілді.
Машина және химия өнеркәсібі (MKE) болса, ауыр қару-жарақ пен оқ-дәрі өндірісіндегі қуатымен 81-ші орынды иеленді.
Тізімдегі 5 түрік компаниясының жалпы қорғаныс табысы 14,9 миллиард долларға жетті.
Тізімнің көш басында өткен жылдағыдай «Lockheed Martin» орнықты.
