Йеменде хоуситтердің Таиз уәлаятында соңғы 73 сағат ішінде 133 заң бұзушылық пен қылмыс жасағаны хабарланды. Олар бейбіт тұрғындар тұратын аудандарға 216 рет шабуыл жасаған. Шабуыл салдарынан 33 адам қаза тапты.
Йеменнің Құқықтар мен бостандықтар желісі жариялаған есепте Таиздегі қоршаудың әлі де жалғасып жатқаны, бейбіт тұрғындардың жүріп-тұру еркіндігі шектелгені және хоуситтер тарапынан жасалған заң бұзушылықтар атап өтілді.
Есепте соңғы 73 сағат ішінде хоуситтердің Таиз уәлаятында бейбіт тұрғындар мен елді мекендерге қарсы 133 заңсыз әрекет жасап, тұрғын аудандарға 216-ға жуық снаряд атқаны айтылған.
Есепте хоуситтердің шабуылдарынан 33 адамның қаза тапқаны және 58 адамның жараланғаны айтылған. Жараланғандардың екеуі бала.
Йеменнің үшінші ірі қаласы әрі стратегиялық маңызды орталығы саналатын Таиз елде қарулы қақтығыстар басталғаннан бері хоуситтердің қоршауында қалып отыр.
