Францияда жанармай бағасының өсуі, қымбатшылық және білім беру саласындағы кемшіліктерге қарсы ауқымды шерулер қарсаңында қауіпсіздік шаралары күшейтілді.
Ірі кәсіподақтардың шақыруымен елдің көптеген қаласында өтетін наразылық акцияларына 700 мыңнан астам адам қатысады деп болжануда.
Францияда жоғары сынып оқушыларының білім беру жағдайына қатысты наразылықтары екі айға жуық уақыттан бері жалғасып келеді. Ал «Сары кеудешелілер» қозғалысы 17, 24 және 31 қазанда шеруге шыққан болатын.
Ішкі істер министрі Лоран Нуньес жалпыұлттық ереуіл кезінде қоғамдық тәртіпті сақтау үшін 70 мыңнан астам полиция қызметкері мен жандарм жұмылдырылатынын мәлімдеді. Қауіпсіздікті қамтамасыз етуге тікұшақтар, дрондар мен ондаған брондалған көлік тартылады.
17 қазандағы «Сары кеудешелілер» шеруінде 3 мыңнан астам кәсіпкерлік нысан бүлінген немесе тоналған. Полицияның күш қолдануы дау тудырып, мыңдаған адам ұсталған еді. Осы оқиғалардан кейін үкімет көшеге шығуға және шеру өткізуге ішінара тыйым салу шараларын қабылдаған болатын.
