АҚШ президенті Дональд Трамп Тегеранға жаңа ультиматум қойып, Иранмен келісімге келетіндерін немесе бұл елді әскери жолмен «жойып жіберетіндерін» мәлімдеді.
Америкалық “Fox News” телеарнасына сұқбат берген Трамп 3 қарашада өтетін Конгреске аралық сайлау қарсаңында АҚШ-тың сыртқы саясатына қатысты пікір білдірді.
Трамп Иранмен соғыста көздеген барлық мақсатына қол жеткізгендерін айтып, әсіресе Тегеранның әскери және экономикалық әлеуетін «жойғандарын» алға тартты.
Иранға тағы бір ультиматум қойған Трамп «Олармен келісім жасаймын ба, әлде оларды жойып жіберемін бе? Бар мәселе осы ғана», – деді.
АҚШ президенті Ормуз бұғазын толығымен АҚШ бақылап отырғанын айтып, бұғаз арқылы мұнай тасымалдау көлемін соғысқа дейінгі деңгейге жеткізгендерін мәлімдеді.
«Ұмытпаңыздар, қазір Ормуз бұғазын біз бақылап отырмыз. Олар ештеңе ала алмайды, бәрін біз алып отырмыз», – деген Трамп Иранға қарсы теңіз блокадасының да өте тиімді түрде жалғасып жатқанын айтты.
