Малайзия үкіметі еліне қайтарылған жүздеген Мьянма азаматының армия тарапынан ұсталғаны туралы ақпаратқа байланысты Мьянмадан түсініктеме талап ететінін мәлімдеді.
“Free Malaysia Today” басылымының хабарлауынша, Малайзияның Сыртқы істер министрі Мұхаммед Хасан еліне қайтарылған жүздеген азаматтың Мьянма армиясы тарапынан ұсталғаны туралы мәліметке байланысты Мьянмадан түсініктеме сұрайтынын айтты.
«Егер 300 адамның әлі де қамауда отырғаны туралы хабарлар расталса, Мьянма үкіметінен түсініктеме талап етеміз», – деді Мұхаммед.
Министр Мьянманың аталған азаматтардың қауіпсіздігіне кепілдік бергенін атап өтіп, Малайзияның Мьянмадағы уақытша сенімді өкіліне бұл мәліметтерді тексеруді тапсыратынын жеткізді.
4 қазанда 1476 Мьянма азаматының Янгон қаласына жеткені хабарланды. Тағы 3524 адамның еліне қайтарылуы жоспарлануда.
