Дональд Трамп “Fox News” телеарнасында АҚШ пен Израильдің 28 ақпанда Иранға жасаған шабуылдарынан кейін басталған соғысқа қатысты пікір білдірді.
Трамп Иранның АҚШ пен Израиль шабуылдарына Парсы шығанағы аймағындағы елдерге қарымта соққы жасау арқылы жауап беруі «өзімен қоса барлығын таңғалдырғанын» айтып, «Иранның ядролық қаруы болмайды», – деген ұстанымын тағы бір мәрте қайталады.
Оның айтуынша, Тегеранның Парсы шығанағы елдеріне жасаған шабуылдары Иранның ядролық қаруы болған жағдайда оны да «қолдануы мүмкін екенін көрсетеді». Трамп мұндай жағдай Таяу Шығыс пен Израильдің жойылуына әкеліп, кейін Еуропа мен АҚШ-ты нысанаға айналдыруы мүмкін екенін алға тартты.
«Егер мен АҚШ президенті болмасам, Израиль жойылып кетер еді. Тіпті Таяу Шығыстың та болмауы мүмкін еді», – деді Трамп.
АҚШ президенті теңіз блокадасы мен Иранға қарсы экономикалық қысымның нәтиже беріп жатқанын алға тартып, Иранды «құлдырап бара жатқан ел» деп сипаттады.
