Президент Режеп Тайып Ердоған: «Айналамыз дағдарыстармен, соғыстармен, қақтығыстармен арпалысқан қиын-қыстау кезеңде ұлтымызды бұл қауіп-қатерлерден қорғадық», — деді.

Президент Ердоған 107 жыл бұрын Самсуннан басталған тәуелсіздік шеруінің бүгінде ұлы әрі қуатты Түркия бағытында жалғасып жатқанын баса айтып, «Дәл артымызда тәуелсіздіктен болашаққа созылған бұл бағыттың екі қуатты символы бізге серік болып тұр. Бір жағында Бандырма кемесі, тура оның жанында “TCG Anadolu” кемесі. Бандырма кемесімен басталып, “TCG Anadolu” кемесімен жалғасқан бұл бағыт Түркияның қандай жағдайдан келіп, қандай деңгейге жеткенінің айғағы. Аллаға шүкір, осы уақытқа дейін біз дауылды теңіздерде Түркияны жағалауға аман-есен жеткізе алдық. Географиямыз дағдарыстармен, соғыстармен, қақтығыстармен арпалысқан қиын-қыстау кезеңде ұлтымызды бұл қауіп-қатерлерден қорғадық. Елімізге көптеген салада тарихи табыстар, тарихи жеңістер сыйладық», — деді.

Бір студенттің «Террорсыз Түркия» процесіне қатысты сұрағына Ердоған: «Оңтүстік-Шығыс және Шығыс Анадолы аймақтарында террордан тартқан зардабымыз өте үлкен еді, бірақ Аллаға шүкір, қазіргі уақытта Оңтүстік-Шығыс және Шығыс Анадолыда енді террор деген нәрсе қалмады», — деп жауап берді.

Аймақта бұдан былай қиыншылықтардың жоқтығын айтқан президент басты мақсат — Оңтүстік-Шығыс және Шығыс аймақтарының бүкіл аумағына бейбіт әрі тыныш атмосфера орнату екенін атап өтті.