Венгрия премьер-министрі Петер Мадьяр саммит алдында баспасөз өкілдеріне берген сұхбатында Венгрия халқының «НАТО-ның қуаты мен бірлігіне» сенетінін жеткізді.
«НАТО-ның бірге болуы — бәріміздің ортақ мүддеміз және біз Венгрияны сенімді одақтас ретінде қайта танытуға ниеттіміз», — деген Мадьяр Венгрия үкіметінің қорғаныс шығыстарын арттыру туралы шешім қабылдағанын және 2035 жылға қарай 5 пайыздық мақсатқа қол жеткізетіндерін атап өтті.
Ресей-Украина соғысына баға берген Мадьяр «Украина — зардап шегуші, ал Ресей — қатыгез агрессор. Украина өз жері мен аумақтық тұтастығын қорғауға толық құқылы. Біз Украинаға гуманитарлық көмек көрсетуді жалғастырамыз, бірақ бұған дейін де бірнеше рет мәлімдегеніміздей, Венгрия Украинаға қару-жарақ немесе әскер жібермейді», — деді.
Мадьяр Украина президенті Владимир Зеленскиймен қысқаша кездесу өткізгенін және алдағы уақытта екіжақты келіссөздер жүргізуге уағдаласқандарын айтты.
