Түркия Сыртқы істер министрі Хакан Фидан ХАМАС төрағасы болып сайланған Халил әл-Хайя мен оның делегациясын қабылдады.
Сыртқы істер министрлігі дереккөздерінің мәліметінше, Фидан әл-Хайяға жаңа қызметінде табыс тіледі.
Әл-Хайя Газа секторы мен Батыс Шериядағы жағдай туралы ақпарат беріп, Беньямин Нетаньяху үкіметінің заңсыз қоныстандыру әрекеттеріне және Иерусалимдегі қасиетті орындарға жасалған шабуылдарды күшейткеніне назар аударды.
Ол ХАМАС-тың бейбіт келіссөздер аясында сындарлы ұстанымын жалғастырып отырғанын айтып, палестиналық топтар арасындағы келісім үдерісі туралы да мәлімет берді.
Министр Фидан Түркияның Палестинаны барлық салада және барлық халықаралық алаңда барынша қолдап келе жатқанын атап өтті.
Фидан Түркияның Нетаньяху үкіметінің Газа мен Батыс Шерияда жасаған қылмыстарының, сондай-ақ қасиетті орындарға бағытталған шабуылдарының халықаралық қауымдастық назарында қалуына ықпал етіп отырғанын айтты. Ол Түркияның Газаға көбірек гуманитарлық көмек жеткізу бағытындағы жұмыстарын жалғастыратынын айтты.
Министр Фидан Түркияның Газадағы бейбітшілік үдерісін қолдауды жалғастыратынын және бұл үдерісте ХАМАС-тың рөлін жоғары бағалайтынын атап өтті.
Кездесу барысында өңірдегі өзге де мәселелер талқыланды.
