АҚШ президенті Дональд Трамп Израиль премьер-министрі Беньямин Нетаньяхудың АҚШ-тың Түркияға «F-35» жойғыш ұшақтарын сатуына қарсылығына қатысты: «Ешкім маған кімге не сатуымыз, не сатпауымыз керектігін айта алмайды. Түркия – біздің ең ірі одақтасымыз», – деп мәлімдеді.
Дональд Трамп Вашингтоннан Мичиганға барар жолда журналистердің күн тәртібіндегі мәселелерге қатысты сұрақтарына жауап берді.
Трамп Израиль премьер-министрі Нетаньяхудың Түркияға «F-35» жойғыш ұшақтарын сатуға қарсы екенін еске салған тілшінің сауалына жауап берді.
АҚШ президенті: «Түркия – мен үшін тамаша одақтас. Президент Режеп Тайып Ердоған – менің досым. Ешкім маған кімге не сатуымыз, не сатпауымыз керектігін айта алмайды. Түркия – біздің ең ірі одақтасымыз», – деді.
Түркия мен Израиль арасындағы келіспеушіліктердің баршаға белгілі екенін айтқан Трамп НАТО саммитіне байланысты Анкараға жасаған сапарының өте жақсы өткенін атап өтті.
«Түркия – керемет әрі өте қуатты мемлекет. Оның тамаша, ауқымды әрі қуатты армиясы бар. Сондай-ақ олар көптеген озық әскери техникаға ие», – деді Трамп.
