Франция президенті Эммануэль Макрон елінде бірнеше аптадан бері жалғасып жатқан орман өрттерімен күресуге өрт сөндіру ұшағын жіберген Түркияға алғыс айтты.
Макрон «X» әлеуметтік желісіндегі парақшасында Түркияның Ауыл және орман шаруашылығы министрі Ибрахим Юмаклының Францияға өрт сөндіру ұшағы жіберілгені туралы жазбасын жариялады.
Ол Түркия туы бейнеленген түрік тіліндегі жазбасында: «Рақмет, Түркия!» – деп алғыс білдірді.
Ауыл және орман шаруашылығы министрі Юмаклы бұған дейін президент Режеп Тайып Ердоғанның тапсырмасымен Испаниядан кейін Францияға да екі өрт сөндіру ұшағы жіберілгенін хабарлаған еді.
Францияда жыл басынан бері 116 мың гектар аумақ өртеніп кетті.
Елдің оңтүстігіндегі Жиронда аймағында шамамен бір аптадан бері жалғасып жатқан өрт 42 мың гектардан астам жерді шарпыды. Ал Жиронда, Вар, Ланд және Жоғарғы Корсика аймақтарындағы өрттер әлі бақылауға алынған жоқ.
