“New York Times” газетінің хабарлауынша, АҚШ шенеуніктері соңғы апталарда, Бессентке төнген қауіптер туралы барлау мәліметтеріне сүйене отырып, «Иранның АҚШ-тың қазіргі және бұрынғы шенеуніктеріне қарсы ұйымдастырып жатқан қастандық әрекеттері жаңа кезеңге өтті» деген қорытындыға келген.

Осыған байланысты Бессент біраз уақыттан бері тұрып келген Вашингтондағы үйінен кетіп, әскери базаға қоныстанған.

Бұл мәселеге қатысты пікір білдірген АҚШ шенеунігі Бессентке төнген қауіптің қаншалықты маңызды екені туралы ақпарат бермеді. Алайда Иранның АҚШ аумағында және шетелдерде шабуыл жасау мүмкіндіктері шектеулі екенін айтты.

АҚШ Қаржы министрлігінің баспасөз хатшысы “New York Times” газетіне берген мәлімдемесінде Бессенттің «Иран режимінің қоқан-лоққыларынан қаймықпайтынын» және Иран экономикасына қысым көрсету науқанын жүргізуге деген табандылығын сақтап отырғанын атап өтті.

Трамп әкімшілігінің басқа да шенеуніктері қауіпсіздік мақсатында үйлерінен көшкен

Сонымен қатар соңғы уақытта Иран тарапынан төнген қауіп туралы мәлімдемелерге байланысты Дональд Трамп әкімшілігінің басқа да шенеуніктері қауіпсіздік мақсатында үйлерінен көшкен.

Олардың қатарында Трамп әкімшілігі аппараты басшысының орынбасары қызметіне тағайындалған Стивен Миллер мен бұрынғы Әділет министрі Пэм Бонди де бар.