Францияның сыртқы істер министрі Жан-Ноэль Барро 10–11 қарашада Абу-Дабиде АҚШ-тың араағайындығымен өтетін Ресей мен Украина арасындағы келіссөздерге Еуропа өкілдері де қатысатынын хабарлады.
Барро «RTL» радиосына берген сұхбатында Еуропаның алдағы келіссөздерге қатысуына қатысты сұраққа жауап берді.
Ол Еуропа өкілдерінің Абу-Дабидегі келіссөздерге қатысатынын атап өтіп, «Бұл кездесуге Франция атынан кім қатысатынын әзірге айта алмаймын. Бірақ Франция міндетті түрде қатысады», – деді.
Барроның айтуынша, соңғы апталарда Еуропа елдері өз ұстанымдарын нақты білдіріп, Еуропаның болашағына қатысты келіссөздерде олардың талаптары мен мүдделерін ескерусіз қалдыруға болмайтынын АҚШ өкілдеріне жеткізген.
Бұған дейін АҚШ президенті Дональд Трамптың арнайы өкілі Стив Уиткофф 10–11 қарашада Абу-Дабиде АҚШ-тың араағайындығымен Ресей мен Украина арасында жұмыс деңгейіндегі келіссөздер өтетінін мәлімдеген болатын.
Оның айтуынша, келіссөздерде соғыстан кейін қауіпсіздікті қамтамасыз ету, шиеленісті бәсеңдету, гуманитарлық көмек көрсету және бейбітшілікке қол жеткізу жолындағы алдағы қадамдар талқыланады.
