2019 жылы Ұлыбританияның Кембридж қаласында Түркияның қолдауымен салынған және Еуропаның алғашқы экологиялық мешіті ретінде танылған “Cambridge Central Mosque” исламофобия мен кемсітушілік күшейіп жатқан уақытта Король III Чарльзді қарсы алды.
III Чарльз дүйсенбі күні «Еуропаның алғашқы экологиялық мешіті» деп сипатталған “Cambridge Central Mosque-қа” барып, мұсылман қауымының өкілдерімен кездесті. Кездесу барысында король мешіт имамдары, басшылары және Кембридждегі мұсылман қауымының өкілдерімен әңгімелесті.
Корольдің сапарына Түркияның Ұлыбританиядағы өкілетті елшісі Осман Корай Ерташ, “Cambridge Mosque Trust” Өкілеттілік кеңесінің мүшелері Зейнеп Чошкун Коч пен Селим Аргун, 19 жасында исламды қабылдаған британдық зерттеуші және жазушы Абдулхаким Мурад және басқа да көптеген қонақ серік болды.
Ұлыбританияның діни әртүрлілік бастамасын қолдауға бағытталған іс-шара аясында ұйымдастырылған сапар кезінде король Түрік Диянет қорының үлесімен салынған мешіттің әртүрлі бөлімдерін аралап, жауапты тұлғалардан мәлімет алды.
Исламдық дизайн пен Кембридж өнерінің үйлесімі
Артынан Анадолы агенттігіне берген сұхбатында “Cambridge Mosque Trust” Өкілеттік кеңесінің мүшесі Зейнеп Чошкун Коч бұл сапар мешіт үшін де, жұртшылық үшін де тарихи маңызда екенін айтты.
Коч мешіттің Еуропадағы алғашқы экологиялық мешіт екенін атап өтіп, мешіттің көптеген марапатқа ие болғанын және оның сәулетінде исламдық геометрия мен Кембридждің жергілікті сәулет элементтері ұштастырылғанын айтты.
Мешіттің құрылуына Түркияның қолдауы шешуші рөл атқарғанын айта келіп, Коч: «Бұл мешітті салудың маңыздылығын және оның мұнда қосатын үлесін бірінші болып түсініп, бізге қолдау көрсеткен — Түрік Диянет қоры болды. Түрік Диянет қоры басынан бастап ең үлкен демеушіміз болды», — деді.
Коч жобаның қозғаушы күші ретінде Түркия президенті Режеп Тайып Ердоғанды атап өтті: «Біздің Президент жоба бойынша әрбір мәселені жеке бақылап, мешіттің құрылысын мұқият қадағалады. Мешітіміздің құрылысы аяқталғаннан кейін 2019 жылы Президенттің қатысуымен ашылды», — деді.
