Түркия президенті аппараты жанындағы Коммуникация басқармасы екі ел басшысының Президенттік кешенде өткен кездесуіне қатысты мәлімдеме жасады.
Мәлімдемеге сәйкес, көшбасшылар Түркия мен Қазақстан арасындағы екіжақты ынтымақтастықты, сондай-ақ өңірлік және халықаралық өзекті мәселелерді талқылаған.
Президент Ердоған Түркия мен Қазақстан арасындағы кеңейтілген стратегиялық серіктестік деңгейіндегі қарым-қатынастарды одан әрі нығайтуға ниетті екенін атап өтті. Оның айтуынша, екі ел сауда, инвестиция, энергетика, көлік және қорғаныс өнеркәсібі салаларын қоса алғанда, барлық бағыттағы ынтымақтастықты дамыту үшін нақты қадам баспақ.
Президент Ердоған Түркияның Түркі Мемлекеттері Ұйымына төрағалығы кезеңінде түркі елдерінің бірлігін нығайтуға бағытталған бастамаларды жүзеге асыруға күш салатынын мәлімдеді. Сондай-ақ бұл бағытта Қазақстанмен тығыз ынтымақтастық жалғасатынын айтты.
Сондай-ақ президент Ердоған Қасым-Жомарт Тоқаевты Анталияда өтетін «COP31» саммитіне шақырды.
