Президент Режеп Тайып Ердоған Оңтүстік Корея Мемлекет басшысы Ли Чжэ Мённың шақыруымен елорда Сеулге барды.
Президент Ердоған мен жұбайы Емине Ердоғанды Сеул Соннам әуе базасында Кореяның Сауда министрі Пак Чжон Сон қарсы алды.
Президент Ердоғанның 4 қарашаға дейін созылатын сапары аясында 3 қараша сейсенбі күні Оңтүстік Корея Мемлекет басшысы Ли Чжэ Мёнмен ресми кездесу өткізуі жоспарланған.
Келіссөздер барысында екі ел арасындағы стратегиялық әріптестік қатынастарды барлық қырынан талқылау, өзекті өңірлік және жаһандық мәселелер бойынша пікір алмасу, сондай-ақ екіжақты қарым-қатынастардың шарттық-құқықтық базасын нығайтатын бірқатар келісімдерге қол қою көзделіп отыр.
