Баррак Түркияның Ресейден «S-400» әуе қорғаныс жүйесін сатып алуына байланысты Вашингтон мен Анкара арасында туындаған келіспеушіліктің шешілетінін мәлімдеді.
Дүйсенбі күні Нью-Йорктегі Түрік үйі ғимаратының алдында журналистерге сұхбат берген Баррак АҚШ пен Түркия тараптарының екіжақты және өңірлік мәселелерді талқылау үшін тынымсыз жұмыс істеп жатқанын айтты.
«Түркия мен Америка Құрама Штаттары арасындағы қарым-қатынас бұрынғыдан да жақын», – деген Баррак екі тараптың тұрақты түрде диалог жүргізіп отырғанын жеткізді.
«S-400» мәселесіне қатысты сұраққа жауап берген Баррак бұл келіспеушіліктің АҚШ заңнамасынан, атап айтқанда «Американың қарсыластарына санкциялар арқылы қарсы іс-қимыл туралы заңнан» (CAATSA), сондай-ақ «S-400» жүйесінің қолданыстағы мәртебесі мен меншікке қатысты талаптардан туындағанын мәлімдеді.
Баррак бұл мәселе бойынша жұмыс жүргізіліп жатқанын айтып, оны «аса күрделі мәселе емес, екіжақты қарым-қатынас шеңберіндегі мәселе» деп сипаттады.
«Оң нәтиже»
Баррак Түркияның қорғаныс өнеркәсібіне де тоқталып, елдің «S-400» жүйесіне тәуелсіз қуатты қорғаныс өнеркәсібі бар» екенін айтты.
АҚШ пен Түркия арасындағы қарым-қатынастың ауқымы бұдан әлдеқайда кең екенін атап өткен Баррак бұл мәселені қалай шешу керектігі жөнінде әр елдің көзқарасы әртүрлі екенін жеткізді.
Екіжақты қарым-қатынастардың болашағына оң көзқарас білдірген Том Баррак екі елдің оң нәтижеге қол жеткізудің жолдарын айқындауы қажет екенін айтты.
Баррак АҚШ президенті Дональд Трамп пен Түркия президенті Режеп Тайып Ердоған арасындағы қарым-қатынасты «өте берік әрі өзара құрметке негізделген» деп сипаттады.
Бұған дейін Баррак Ердоған мен Трамптың жиын аясында кездесуі мүмкін екенін мәлімдеген еді.
