Иран Сыртқы істер министрі Аббас Аракчи Қытаймен жүргізілген консультациялардың нәтижелі өткенін айтып, Тегеранның Бейжіңмен қалыптасқан стратегиялық серіктестікке үлкен мән беретінін мәлімдеді.
Аббас Аракчи «X» әлеуметтік желісіндегі парақшасында Қытайдағы кездесулеріне қатысты пікір білдірді.
Келіссөздердің табысты өткенін атап өткен Аракчи Иранның Қытаймен уақыт өте қалыптасқан стратегиялық серіктестігін жоғары бағалайтынын айтты.
Аракчи: «Бүгін қабылданған шешімдер өңірдегі болашақ стратегиялық тепе-теңдікті айқындап, ауқымды ықпал етеді », – деді.
Сондай-ақ Аракчи Қытай төрағасы Си Цзиньпиннің бейбітшілікке қатысты ұсынған төрт қағидасының шешуші маңызға ие екенін атап өтті.
Қытай төрағасы Си Цзиньпин Таяу Шығыс пен Парсы шығанағы өңірінде бейбітшілік пен тұрақтылық орнату үшін ұсынған төрт негізгі қағидаға ұлттық егемендік, халықаралық құқықтың үстемдігі, қауіпсіздік пен даму арасындағы тепе-теңдік және бейбіт өмір сүру жатады.
