Иран Ислам революциясы сақшылар корпусының Әскери-теңіз күштері Ормуз бұғазынан «заңсыз» өтуге тырысқан Того туы бар мұнай танкеріне соққы жасалғанын мәлімдеді.
Революция сақшылары корпусы Әскери-теңіз күштерінің жазбаша мәлімдемесінде Того туы бар «Trend» мұнай танкері кеше АҚШ әскерінің арандатуы салдарынан Ормуз бұғазынан заңсыз өтуге әрекеттенген кезде нысанаға алынғаны айтылды.
Кемеге соққы жасалып, қозғалысы тоқтатылғаны және бортында өрт шыққаны хабарланды. Сондай-ақ бұғаздан заңсыз өтуге тырысқан кез келген кеменің жойылатыны ескертілді.
Иран АҚШ пен Израильдің 28 ақпандағы шабуылдарынан кейін басталған соғыс кезінде Ормуз бұғазы арқылы кеме қатынасын тоқтатып, рұқсатсыз өтуге әрекеттенген кемелерді нысанаға ала бастаған еді.
17 маусымда Иран мен АҚШ арасында келісімге қол қойылғаннан кейін бұғаз арқылы өтуге қайта рұқсат берілді.
Алайда Иран АҚШ-пен жасалған келісімді жүзеге асыруға қатысты келіспеушіліктер салдарынан 12 шілдеде бұғазды кеме қозғалысы үшін қайта жапты.
