Президент Режеп Тайып Ердоған мен Палестина мемлекеті 2026 жылғы FIFA әлем чемпионатында жеңімпаз атанған Испания ұлттық футбол құрамасын құттықтады.
Ердоған «X» әлеуметтік желісіндегі жазбасында: «2026 жылғы FIFA әлем чемпионатында топ жарған Испания ұлттық құрамасын шын жүректен құттықтаймын. Дос Испания халқына елім мен халқымның атынан сәлемім мен ізгі тілегімді жолдаймын», – деді.
Палестина мемлекетінің ресми парақшасында да Испания құрамасының әлем чемпионатындағы жеңісіне арналған сурет жарияланып, оған Палестина мен Испанияның тулары және жүрек белгісі қойылды. Осылайша Палестина Испанияны жеңісімен құттықтады.
Испания премьер-министрі Педро Санчес те «X» әлеуметтік желісінде жеңісті атап өтіп, ұлттық құрамаға алғыс айтты.
Испания жексенбі күні АҚШ-тағы Нью-Йорк/Нью-Джерси стадионында өткен финалда Аргентинаны қосымша уақытта 1:0 есебімен жеңіп, 2026 жылғы FIFA әлем чемпионатының жеңімпазы атанды.
Матч соңына қарай Ферран Торрес соққан гол Испанияға 16 жылдан кейінгі екінші әлем чемпиондығын сыйлады. Испания алғашқы жеңісін 2010 жылы Андрес Иньестаның голының арқасында жеңіп алған еді.
