Нилай Тахироғлу балет әлеміндегі ең беделді шаралардың бірі саналатын 15-ші Халықаралық Мәскеу балет байқауында үздік нәтиже көрсетіп, жартылай финалға жолдама алды.
Бұған дейін халықаралық жарыстарда иеленген жүлделі орындарының арқасында Тахироғлу іріктеу кезеңінен босатылып, байқауға тікелей қабылданған болатын.
Үш кезеңнен тұратын байқаудың алғашқы айналымын сәтті аяқтаған 34 әртіс жартылай финалға жолдама алды. Олардың қатарындағы Тахироғлу 1 шілдеде өтетін жартылай финалда Түркия атынан өнер көрсетеді.
Мәскеудегі “Большой” театрының Тарихи сахнасында 25 маусым мен 5 шілде аралығында ұйымдастырылып жатқан 15-ші Халықаралық Мәскеу балет байқауына 35 елден әртүрлі санаттар бойынша 362 биші қатысуда.
