Түркия Республикасының президенті Режеп Тайып Ердоған Президенттік кешенде өткен Министрлер кабинетінің отырысынан кейін халыққа үндеу жасады.

Өз сөзінде Ердоған: «Біз – тарихы ұлы, ар-ожданы биік халықпыз. Ғасырлар бойы құлағанға қол ұшын создық, қиындыққа тап болғандарға көмекке жеттік. Елімізге пана іздеп келгендерге есігімізді аштық», – деп айтып, Израиль үкіметін сынға алды.

Ердоған сөзін былай жалғастырды:

«Қолдарына 73 мың жазықсыз Газа тұрғынының, олардың басым бөлігі балалар мен әйелдердің қаны сіңген қылмыстық топтың елімізге қатысты жала-жапқандарын еш елемейміз. Біздің тарихымызда геноцид те, қырғын да, зұлымдық та, отаршылдық та болған емес. Біздің мыңдаған жылдық даңқты тарихымызда тек әділдік пен мейірім ғана бар. Біз дініне, тегіне, болмысына қарамастан барлық мұқтаж жанға қол ұшын созып келдік. Инквизиция мен нацистік қудалаудан қашқандарға пана беретін дәстүріміз бар. «Тақымды да, тәжімді де беремін, бірақ мемлекетіме паналағандарды бермеймін», – деген қаһарман ата-бабаларымыздың асқақ ұстанымы бар. Егер өз тарихтарына көз салса, Газадағы айуандықтарын бүркемелеу үшін Түркия мен түрік халқына жала жауып жүргендер мұны бәрінен жақсы біледі».