Түркияның ұлттық футбол құрамасы 2026 жылғы «FIFA» Әлем чемпионатына дайындалуда. Команда сейсенбі күні АҚШ-қа жетті.
Флорида штатындағы Форт-Лодердейл қаласына келген құраманы Түркияның АҚШ-тағы елшісі Седат Өнал мен бас консул Ресул Шахинол қарсы алды.
Түркия құрамасы Венесуэламен жолдастық кездесу өткізеді.
Винченцо Монтелланың жетекшілігіндегі түрік құрамасы 2002 жылдан кейін алғаш рет Әлем чемпионатына қатыспақ. Команда капитан Хакан Чалханоглу, Арда Гүлер және Кенан Йылдыз сынды ойыншылар бастаған мықты құраммен додаға қатысады.
«D» тобы көпшіліктің басты назарында
Венесуэламен өтетін жолдастық кездесуден кейін Түркия құрамасы Әлем чемпионатына арналған оқу-жаттығу жиынын Аризона штатының Меса қаласында өткізеді.
Түркия құрамасы «D» тобынан шығу үшін Австралия, Парагвай және АҚШ құрамаларымен бақ сынасады.
АҚШ, Канада және Мексика бірлесіп ұйымдастыратын, 48 құрама қатысатын Әлем чемпионаты 11 маусымда басталып, 19 шілдеге дейін жалғаспақ.
