Иран Мәжілісі төрағасының орынбасары Әли Никзад АҚШ-тың экономикалық қысымы Иран халқының тұрмысын қиындатқан жағдайда «АҚШ пен онымен ынтымақтасатын елдердің экономикалық мүдделеріне қауіп төндіретіндерін» мәлімдеді.
Иранның “ISNA” ақпарат агенттігінің хабарлауынша, Мәжілістің ашық отырысында сөз сөйлеген Никзад АҚШ-тың Иранға қарсы экономикалық қысым саясатына тоқталды.
Никзад АҚШ-тың қысымына қарамастан шегінбейтінін және елдің ұлттық қауіпсіздігі мен мүдделерін «күшпен қорғайтындарын» айтып, «Қиялға берілген дұшпандарымыз толық экономикалық блокада туралы айтып жүр. Алайда Америка Иран халқының бұған мойынсұнбайтынын, сонымен қатар дұшпандарын жазалап, олардың экономикалық мүдделеріне елеулі қауіп төндіретінін білуі керек», - деді.
Иран Мәжілісі төрағасының орынбасары: «Егер Иран халқының күнкөріс мүмкіндіктері мен экономикасына қысым одан әрі күшейсе, біз бұл халықтың дұшпандары мен олармен ынтымақтасатын елдердің әл-ауқатта өмір сүруіне жол бермейміз», - деді.
