Нигерияның солтүстік-батысындағы Сокото штатында фермерлер мен жұмысшылар мінген қайық аударылып, 52 адам қаза тапты.
Нигерияның Төтенше жағдайларды басқару агенттігінің Сокотодағы операциялар бөлімінің басшысы Тукур Абубакар қаза тапқандардың арасында бір отбасының 11 мүшесі бар екенін мәлімдеді.
Апат бейсенбі күні Сокото штатына қарасты Гороньо ауданындағы Горау қаласында болған.
Шамамен 70 адам мінген қайық фермерлер мен жұмысшылар күріш алқаптарына су жолы арқылы бара жатқан кезде аударылып кеткен.
Сокото штаты мәслихатының мүшесі Насиру Адаму алғашқы мәлімдемесінде 40-тан астам адамның қаза тапқанын, құтқарушылар 16 адамды аман алып қалғанын айтқан. Оның сөзінше, қайықтағы жолаушылардың көбі 10-15 жас аралығындағы балалар болған.
Нигерияда жолаушыларды шамадан тыс көп мінгізу, қайықтардың техникалық жағдайының нашарлығы және қауіпсіздік талаптарының жеткілікті сақталмауы салдарынан әсіресе жауын-шашын маусымында қайық апаттары жиі болады.
