Мемлекеттік ақпарат құралдары жұма күні Қытайдың Айдан екі жаңа минерал анықтағанын жариялады.
Қытайдың Ұлттық ғарыш басқармасының мәліметінше, бұл минералдар «Chang’e-5» миссиясы жеткізген ай үлгілерін зерттеу барысында табылған.
«Chang’e-5» аппараты 2020 жылдың желтоқсанында Жерге қайтып, Айдың «Oceanus Procellarum» бөлімінен шамамен 1731 грамм топырақ әкелген болатын. Бұл – соңғы 44 жыл ішінде алғаш рет Жерге жеткізілген ай үлгілері саналады.
Қытайдың Ұлттық ғарыш басқармасы жаңа минералдарға магнезиочангесит-(Y) және чангесит-(Ce) деген атау бергенін хабарлады. Осы жаңалықпен бірге Айда тіркелген минералдардың жалпы саны сегізге жетті.
2022 жылы қытайлық ғарышкерлер чангесит-(Y) минералын алғаш рет анықтаған болатын.
Қытайдың Ұлттық ғарыш басқармасы бұл жаңалықты Сычуань уәлаятының орталығы Чэнду қаласында ғарыш күніне арналған салтанатты іс-шарада жариялап, минералдардың Халықаралық минералогия қауымдастығының Жаңа минералдар, атау беру және жіктеу комиссиясы тарапынан ресми түрде бекітілгенін мәлімдеді.
2019 жылы Қытай «Chang’e-4» аппараты арқылы Айдың арғы бетіне қонған еді.
