Мексикада «Симон» дауылы мен «Рейчел» тропикалық дауылы салдарынан жауған нөсер жаңбыр мен жер көшкінінен 6 адам қаза тапты.
АҚШ Ұлттық дауыл орталығының мәліметінше, бірінші санаттағы «Симон» дауылы күшейіп, Мексиканың Наярит және Синалоа штаттарында нөсер жауынға себеп болды.
Мексика билігі өзендердегі су деңгейінің көтерілуі мен су тасқыны қаупіне байланысты төтенше жағдайға дайындық шараларын күшейтті.
«Симон» дауылы мен «Рейчел» тропикалық дауылы әсер еткен Герреро аймағы мен Баха-Калифорния штатындағы Энсенада қаласында нөсер жаңбыр мен жер көшкіні салдарынан 6 адам қаза тауып, 5 адам із-түзсіз жоғалып кетті.
Энсенада қаласындағы Эль-Пипила өзенінің маңында шамамен 300 әскери қызметкер іздестіру-құтқару жұмыстарына жұмылдырылды.
Аймақтағы су тасқыны тұрғын үйлер мен көліктерге де зақым келтірді.
