Иран Сыртқы істер министрлігінің ресми өкілі Исмаил Бекаи Сауд Арабиясы мен хоуситтер арасындағы дағдарысты диалог арқылы шешуді қолдайтынын мәлімдеді.

Исмаил Бекаи ел астанасы Тегеранда өткен апталық баспасөз мәслихатында журналистердің сұрақтарына жауап берді.

Арабия түбегіндегі оқиғаларға қатты алаңдаушылық білдірген Бекаи: «Біз Йемен халқының қоршаусыз өмір сүруге құқығы бар екенін айттық. Сондай-ақ шиеленісті диалог арқылы шешуге көмектесуге дайын екенімізді білдірдік. Йемен мәселесі бұған дейін келіссөздер арқылы шешілуі тиіс еді. Бұрын арнайы жол картасы әзірленген болатын, алайда ол жүзеге асырылмады. Біз сол кезде-ақ шиеленістің күшеюі мүмкін екенін ескерткенбіз. Біздің талабымыз – қалыптасқан жағдайды диалог пен өзара келісім арқылы реттеу», – деді.

Бекаи Иран мен АҚШ арасындағы жанама келіссөздерге де тоқталды.

«Иран мен АҚШ араағайын елдер арқылы хабар алмасуды жалғастырып жатыр. Пәкістан мен Катар араағайын болуды жалғастыруда. Біз АҚШ көтерген мәселелерді әлі де қарастырып жатырмыз. Бұл жұмыс аяқталған соң жауабымызды араағайын елдер арқылы жеткіземіз. АҚШ экономикалық қысымын жалғастырған сайын Ормуз бұғазындағы қауіпсіздікке қатысты тұрақсыздық сақталады», – деді.