Түркия мен Қырғызстан арасындағы мәдени және өнер саласындағы ынтымақтастықты нығайтуды мақсат еткен «Түркия–Қырғызстан түрік кино күндері» биыл 10-шы рет Қырғызстан астанасы Бішкек қаласында өтеді.
Іс-шара Түркия Мәдениет және туризм министрлігі мен Қырғызстанның Мәдениет, ақпарат және жастар саясаты министрлігінің қолдауымен 3–7 маусым күндері Түркия Кино басқармасы, Қырғызстан Кинематография департаменті, Түркияның Қырғызстандағы елшілігі және «Yerli Düşünce» қоғамының ұйымдастыруымен өтеді.
Фестиваль аясында барлық фильм бес күн бойы тегін көрсетіледі.
Іс-шара барысында кездесулер, продюсерлер мен режиссерлердің басқосулары, мәдени экскурсиялар және салалық шаралар өткізіледі. Мақсат - кино саласында халықаралық ынтымақтастықты дамыту.
Фестивальдің ашылу салтанаты 3 маусым сәрсенбі күні Түркия Кино басқармасының бас директоры Бирол Гүвеннің қатысуымен «Alaa-Too» кинотеатрында өтеді.
Ашылу кешінде «Mutluyuz Mu» фильмі көрерменге ұсынылады. Кешке фильмнің басты рөлдегі актері Ибраһим Буюкак, продюсері Хасан Корай Шахин және сценарист әрі режиссер Mурат Эмре Каман қатысады.
Сонымен қатар фестивальге «Bak Postacı Geliyor» фильмінің басты рөлдегі актрисасы Дениз Барут пен режиссері Юксель Аксу, «Bir Adam Yaratmak» фильмінің режиссері Мурат Чери, «Kanto» фильмінің режиссері Энсар Аксой, сондай-ақ көптеген продюсер, режиссер, актер мен кино саласының өкілдері қатысады.
Фестиваль аясында «Mutluyuz Mu», «Bak Postacı Geliyor», «Bir Adam Yaratmak», «Kanto» және «Efesin Sırrı» фильмдері Бішкектегі киносүйер қауымға ұсынылады.
