“CNN”, “NBC” және АҚШ-тың өзге де бұқаралық ақпарат құралдарының хабарлауынша, Нью-Йорктегі LaGuardia әуежайында өрт сөндіру көлігіне соғылған ұшақтың ұшқышы мен екінші ұшқышы қаза тапқан.

“ABC” телеарнасы шенеуніктерге сілтеме жасап, 11 жолаушы мен алғашқы көмек көрсетуші екі қызметкерді қоса алғанда 13 адамның жарақат алып, ауруханаға жеткізілгенін хабарлады.

Рейстер тоқтатылды

Апатқа байланысты LaGuardia әуежайындағы рейстер тоқтатылды.

“Flightradar24” әуе рейстерін қадағалау қызметінің мәліметінше, Монреальдан келген реактивті ұшақ қонғаннан кейін ұшу-қону жолағымен жылжып келе жатып, құтқару және өрт сөндіру көлігіне соғылған.

Билік өкілдері зардап шеккендер туралы әзірге ресми мәлімет бермеді, алайда интернетте тараған кадрларда ұшақтың тұмсық бөлігінің қатты зақымданғаны және төтенше жағдай қызметтерінің ұшақ маңын қоршағаны көрінеді.