Түркиядағы қолданушылар жылдың бірінші тоқсанында интернетте өткізген уақытының көп бөлігін видео контент қараумен өткізді.
Бұл кезеңде “YouTube” жалпы интернет қозғалысының ең үлкен үлесін құраған платформа болды.
Анадолы агенттігінің Ақпараттық және коммуникациялық технологиялар басқармасына жолдаған 3 айлық есебіне қарағанда, Түркияда интернетті пайдалану әлеуметтік медиа мен видео платформаларында кеңінен жалғасып жатыр.
“YouTube-тің” өзі ғана қаңтар мен наурыз айлары аралығында жалпы интернет қозғалысының 40,6 пайызын құрады және 16 пайызбен екінші орында тұрған “Instagram-ды” айтарлықтай артқа тастады.
Алынған мәліметтер онлайн белсенділіктің көп бөлігі әлеуметтік медиа платформаларында жүретінін, бұл өз кезегінде видео қарау көрсеткіштерінің артуына себеп болғанын көрсетеді.
“YouTube” видео қарау санатында 57,4%-бен айқын басымдықпен көшбасшылығын сақтап қалды. “YouTube-тен” кейін 17,4%-бен “Instagram”, 5,6%-бен “TikTok” және 5,5%-бен “Netflix” жайғасты.
Алынған мәліметтер ұзын форматты да, қысқа форматты да видео контенттердің интернетті пайдаланудың негізгі себептері болып қала беретінін ортаға шығарады.
Хат алмасу әлеуметтік медиа платформаларына қарай ауысып жатыр
Лездік хат алмасу санатында “Instagram” 58,5%-бен көшбасшы болса, екінші орында 26,4% көрсеткішпен “Facebook Messenger” орналасты. “WhatsApp” 7,3%-бен үшінші орында, ал “Telegram” 6,2%-дық үлеске ие болды.
Бұл мәліметтер тәуелсіз хат алмасу қосымшаларының орнына әлеуметтік медиамен бірге жұмыс істейтін хат алмасу қызметтеріне қарай бағытталған тенденцияның жалғасып жатқанын көрсетеді.
Интернет негізіндегі дауыстық байланыс (VoIP) саласында “WhatsApp” жалпы қолданыстың 61,2%-ын құрайды.
Онлайн ойын белсенділігінде неғұрлым теңгерімді үлес бар. “PlayStation” 25,4%-бен көшбасшы болса, оның соңынан 24,1%-бен “Steam” қатарласып келді. “PUBG” 9,2% және “League of Legends” 6,7% деңгейінде үлеске ие болды.
