Ливан медиасында сейсенбі күні жарияланған хабарға сәйкес, Израиль әскері уақытша бітімді тағы бір рет бұзып, елдің оңтүстігіндегі Хиам қалашығындағы мемлекеттік мектеп ғимаратын қиратты.
Мемлекеттік “National News Agency” ақпарат агенттігінің мәліметінше, Израиль күштері ғимаратқа жарылғыш зат қойып, оны түні бойы жарып, нысанды толықтай қиратқан.
Оқиғаға қатысты Израиль армиясы әзірге ешқандай мәлімдеме жасаған жоқ.
Ливан билігінің дерегіне сәйкес, Израильдің 2 наурыздан бері Ливанда жүргізіп жатқан операциялары шамамен 2 300 адамның қаза табуына, 7 500-ден астам адамның жаралануына және 1 миллионнан астам адамның босқынға айналуына себеп болған.
АҚШ президенті Дональд Трамп бейсенбі күні Беньямин Нетаньяху және Ливан президенті Жозеф Аунмен өткізген келіссөздерден кейін Ливанда 10 күндік бітім жариялаған еді.
