Ресми мәлімдемеге сәйкес, Сирия армиясы АҚШ күштері Сирияның солтүстік-шығысындағы Касрак әуе базасынан шыққаннан кейін нысанның бақылауын өз қолына алды.

Сирия Қорғаныс министрлігі мемлекеттік “SANA” ақпарат агенттігі бейсенбі күні жариялаған мәлімдемеде Сирия күштері АҚШ бастаған коалиция әскерлері кеткеннен кейін Хасека ауылдық аймағындағы базаның бақылауын өз қолына алғанын хабарлады.

Сирия Сыртқы істер министрлігі «бұрын Сирияда АҚШ күштері орналасқан әскери нысандардың Сирия үкіметіне берілуінің аяқталғанын құптайтынын» білдірді.

Мәлімдемеде: «Бұл нысандарды беру... Сирия мен АҚШ үкіметтері арасындағы толық үйлестіру аясында жүзеге асырылды», - делінген.

Жергілікті дереккөздердің айтуынша, АҚШ күштері базаны босатқаннан кейін YPG террорлық ұйымымен байланысты элементтер нысан ішіндегі кейбір көліктерді өртеп жіберген.

АҚШ күштері қауіпсіздік кеңселері және Истирахат әл-Уәзир базасында қалып отыр.