Отбасы және әлеуметтік қызметтер министрі Махинур Өздемир Гөкташ президент Режеп Тайып Ердоғанның төрағалығымен Президенттік кешенде өткен Министрлер кабинетінің отырысынан кейін тілшілердің сауалдарына жауап берді.
15 жасқа толмаған балалардың әлеуметтік желіні пайдалануын реттеуге қатысты қойылған сұраққа орай Гөкташ әлемде де осыған ұқсас заңнамалық қадамдардың күн тәртібінде тұрғанын және әр мемлекет өзіндік пайыммен жұмыс істеп жатқанын еске салды. Министр: «Әсіресе Австралияның баяндамасын жіті зерделегеннен кейін қажетті сараптаманы жасадық және олқылықтардың орнын толтыра отырып, өз елімізге тән модель әзірледік», — деді.
Әлеуметтік желілерге арналған бұл заң арқылы 15 жасқа толмаған балаларға арналған қауіпсіз цифрлық кеңістіктер қалыптасатынын және бақылауға алынған қолданыстың ынталандырылатынын баса айтқан Гөкташ негізгі мақсат — балалардың жас ерекшелігі мен тұлғалық дамуына үйлеспейтін (теріс) контенттерге ұрынуының алдын алу екенін жеткізді.
