Сомали армиясының Төменгі Шабелле өңірінде «Әш-Шабаб» террорлық ұйымына қарсы жүргізген операциясы барысында 9 террорист залалсыздандырылды.

Сомали ұлттық телеарнасының хабарлауынша, залалсыздандырылғандардың арасында ұйымның жергілікті жетекшілерінің бірі де бар.

Соңғы уақытта Сомали қауіпсіздік күштері елдің әртүрлі өңірінде «Әш-Шабабқа» қарсы операцияларды күшейтті.

2006 жылы құрылған «Әш-Шабаб» террорлық ұйымы ұзақ жылдар бойы Сомали үкіметіне және халықаралық бітімгерлік күштерге қарсы шабуыл жасап келеді.

Сомали қауіпсіздік күштері халықаралық серіктестердің қолдауымен 2022 жылдан бері елдің орталық және оңтүстік өңірлерінде ұйымға қарсы кең ауқымды операциялар жүргізіп келеді.