АҚШ Әскери-теңіз күштері Орталық қолбасшылығы тікұшақтың Араб теңізіне шұғыл қонғанын хабарлады. Экипаждың үш мүшесі құтқарылды, ал бір адам әлі табылған жоқ.

Бұл туралы АҚШ Әскери-теңіз күштері Орталық қолбасшылығының 5-флоты “X” әлеуметтік желісіндегі ресми парақшасында мәлімдеді.

Мәлімдемеде “USS George H.W. Bush” (CVN 77) әуе кемесі тасымалдаушысында қызмет атқаратын “MH-60S Sea Hawk” тікұшағының ұшу экипажы Араб теңізінде шұғыл қонғаны хабарланды.

Бір адамды іздестіру жұмыстары жалғасуда

Мәлімдемеде төтенше жағдайдың «жау тарапынан жасалған қандай да бір әрекеттен туындағанын көрсететін ешқандай белгі анықталмағаны» атап өтілді.

Құтқарылған үш экипаж мүшесі әуе кемесі тасымалдаушысына жеткізілген. Олардың денсаулық жағдайы жақсы екені хабарланды.

Сондай-ақ мәлімдемеде аймақтағы АҚШ Әскери-теңіз күштерінің бөлімшелері әлі күнге дейін із-түзсіз жоғалған бір адамды іздестіру жұмыстарын жалғастырып жатқаны және оқиғаның себептері бойынша тергеу жүргізіліп жатқаны айтылды.