АҚШ-та орналасқан «Pew Research» компаниясының 8 ақпан мен 13 мамыр аралығында әр құрлықтан 36 елде жүргізген сауалнамасында 44 мың 657 ересек қатысушының Израильге қатысты пікірі алынды.
Сауалнама нәтижесінде бұл елдерде Израильге қарсы «теріс» көзқараста екенін айтқан қатысушылардың үлесі есептелді. Осыған сәйкес, бұл көрсеткіштер арасындағы орташа көрсеткіш 67 пайызды құрағаны анықталды.
Екінші жағынан, Израильге қатысты «оң» көзқарастағылар үлесінің орташасы 25 пайыз болғаны көрінді.
Теріс пікірлердің көбіне Түркия, Бангладеш, Индонезия, Малайзия, Пәкістан сияқты елдермен қатар Батыс Шерия мен Шығыс Иерусалимде екені айқындалды.
Түркиядан қатысқандардың 91 пайызы Израиль туралы «өте теріс», 5 пайызы «сәл теріс» пікір білдірді.
АҚШ, Канада және Еуропада Израильге қарсы «теріс» пікірлер кең таралған
Мұсылман халқы көп шоғырланған елдерден тыс жерлерде де жоғары көрсеткіш байқалды. Израильге қатысты «теріс» пікір білдіргендердің үлесі АҚШ-та 60 пайыз, Канадада 65 пайыз болып тіркелді.
Сауалнамаға енгізілген Еуропа елдерінің барлығында да теріс пікірлердің жоғары екені белгілі болды.
Швецияда да, Испанияда да қатысушылардың 78 пайызы Израильге қарсы «теріс» көзқараста екенін мәлімдесе, Италия, Нидерланды, Германия, Ұлыбритания және Франциядағы ересектердің жартысынан астамы бұл елді «жағымсыз» деп бағалайтыны анықталды.
Жапонияда қатысушылардың 83 пайызы, Австралияда 79 пайызы, Оңтүстік Кореяда 70 пайызы Израильге қатысты «жағымсыз» пікірлерін білдірді.
Екінші жағынан, басқа елдерден айтарлықтай ерекшеленген Үндістандағы қатысушылардың 32 пайызы Израиль туралы «оң», ал 28 пайызы «теріс» ойлайтыны көрінді.
Бұдан басқа 24 елдің 13-інде 2025 жылдан бастап Израильге қатысты теріс пікірлердің артқаны байқалса, теріс көзқарастар азайған жалғыз ел Грекия болғаны анықталды.
Елдердің көпшілігінде Нетаньяхуға деген сенім аз
Сауалнамада осы 36 елдегі қатысушылардан Израиль премьер-министрі Беньямин Нетаньяху туралы да пікірлері сұралды.
Елдердің көпшілігінде «Нетаньяхудың әлемдік мәселелерде дұрыс қадам басатынына өте аз сенетіндер немесе мүлдем сенбейтіндердің» үлесі басым екені байқалды.
Сауалнамаға сәйкес, Кения мен Филиппин қатысушыларының жартысынан астамы Нетаньяхуға сенім білдірген екі ел болды.
