Түркия президенті Режеп Тайып Ердоған Болгария премьер-министрі Румен Радевпен телефон арқылы сөйлесті.
Түркия президенті аппараты жанындағы Коммуникация басқармасы таратқан мәлімдемеге сәйкес, телефон әңгімесі барысында екіжақты қарым-қатынастар, өңірлік және жаһандық мәселелер талқыланды.
Президент Ердоған екі ел арасындағы байланыстарды нығайтуға бағытталған қадамдар жалғасатынын, әсіресе сауда саласындағы ынтымақтастықты кеңейту үшін нақты шаралар қабылданатынын атап өтті.
Ердоған Түркияның Қаратеңізде кеме қатынасының қауіпсіздігін қамтамасыз ету мақсатында Ресей және Украинамен келіссөздер жүргізіп жатқанын айтты. Сондай-ақ Болгарияның айрықша экономикалық аймағында қарулы ұшқышсыз ұшу аппаратымен жасалған шабуылға алаңдаушылық танытып, болгар тарапына қолдау білдірді.
Президент Ердоған Болгария премьер-министрі Румен Радевті 11–12 қараша күндері Анталияда өтетін «COP31» көшбасшылар саммитіне шақырды.
