Ресей мен Украина бейсенбі күні қаза тапқан сарбаздардың мәйіттерін алмастырды. Бұл — өткен айдан бері екі ел арасында жүргізілген мәйіт алмасулардың ең соңғысы.
Ресей Мемлекеттік думасының депутаты Шамсаил Саралиев «RBK» басылымына берген мәлімдемесінде Мәскеудің 261 украиналық сарбаздың мәйітін қайтарғанын, ал Киевтің 24 ресейлік сарбаздың мәйітін Ресейге тапсырғанын айтты.
Кейін Украинаның Соғыс тұтқындары мәселелері жөніндегі үйлестіру орталығы бұл алмасуды растады. Орталық «Telegram» арнасында Ресей тарапының мәліметі бойынша 261украиналықтың мәйіті Украинаға қайтарылғанын хабарлады.
Сондай-ақ мәлімдемеде: «Мәйіттерді қайтару үдерісін ұйымдастыруға және оған қолдау көрсетуге көмектескені үшін Халықаралық Қызыл Крест комитетіне шынайы алғысымызды білдіреміз», – делінді.
Ресей мен Украина арасындағы бұған дейінгі осындай алмасу 16 шілдеде өткен. Сол кезде Мәскеу Украинаға 501 адамның мәйітін, ал Киев Ресейге 31 адамның мәйітін қайтарған еді.
