Ресейдің «ТАСС» ақпарат агенттігіне сұхбат берген Захарова Украинаның Краснодар өлкесіндегі жағажайға жасаған шабуылына қатысты пікір білдірді.
«Украина билігіне үстем еткен террористік топ Еуропаның қақ ортасында әрекет етуде. Ал НАТО елдері терроризмді қаржыландыруда. Таяуда НАТО мен Еуропалық одақ терроризмге қарсы қатаң саясат ұстанатынын мәлімдеген еді. Енді өздері де халықаралық терроризмнің бір бөлігіне айналды», – деді ол.
Бұған дейін Украина күштерінің Краснодар өлкесіне дронмен шабуыл жасағаны хабарланды. Салдарынан Геленджик қаласына жақын орналасқан Архипо-Осиповка ауылындағы жағажайда 8 адам қаза тауып, 58 адам жараланған.
