Украина басшысы әуе қорғанысы жүйелерінің тапшылығына назар аударып, Оңтүстік Кореядан қолдау сұрады.

Зеленский Солтүстік Кореяның заманауи соғыс тәжірибесін жинақтайтынын және Ресейден әскери технологиялар алатынын білдірді.

Украина әскери барлау қызметінің өкілдері Солтүстік Кореяға тиесілі зымыран бөлімшесінің Ресейдің батысына қарай жылжи бастағанын хабарлады.

Аталған бөлімшенің 120 баллистикалық зымыранмен және 6 ұшыру қондырғысымен жабдықталуы мүмкін екені атап өтілді.

Солтүстік Кореяның бұған дейін Курск облысына 14 мыңға жуық әскер жібергені, бұл бөлімшелердің мыңдаған шығынға ұшырағаны хабарланды.

Сонымен қатар Пхеньян әкімшілігінің Ресейге миллиондаған оқ-дәрі, баллистикалық зымыран мен реактивті ракеталық жүйелер жеткізгені белгілі болды.

Ұшқышсыз ұшу аппараттары көрші елдерге құлады

Осы арада Украинаға тиесілі деп айтылған ұшқышсыз ұшу аппараты Болгарияның әуе кеңістігіне кіргеннен кейін жарылып,, София әкімшілігі Украина Елшісін Сыртқы істер министрлігіне шақыртты.

Адам шығыны тіркелмеген оқиғаға байланысты екі ел өкілдерінің байланыста екені хабарланды. Молдованың Крокмаз ауылының маңынан да әскери ұшқышсыз аппараттың сынықтары табылды.

Ұлыбританиядан әуе қорғанысы бойынша үндеу

Ұлыбританияның Қорғаныс министрі Вес Стритинг одақтас елдерді қыс мезгілі өарсаңында Украинаның әуе қорғанысы әлеуетін арттыруға шақырды.

Ал Рим Папасы Лев дұға ету алдында сөйлеген сөзінде Украина мен Ресейде бейбіт тұрғындардың қаза табуына өкініш білдіріп, тараптарды азаматтық нысандарға бағытталған шабуылдарды тоқтатуға шақырды.

Біріккен Ұлттар Ұйымының деректеріне сәйкес, соғыста осы уақытқа дейін 16 мыңнан астам бейбіт тұрғын қаза тапты.