Дания Қытаймен диалогтың маңызды екенін мәлімдеді.
Сыртқы істер министрлігінің “X” әлеуметтік желісіндегі жазбасында ресми іссапармен Копенгагенге барған Қытай Сыртқы істер министрі Ван Идің әріптесі Ларс Лёкке Расмуссенмен кездескені айтылды.
Расмуссен: "Қытай – саяси тұрғыдан да, экономикалық тұрғыдан да аса маңызды ел. Сондықтан диалог маңызды. Тіпті келісімге келе алмайтын мәселелерде де”, - деді.
Ван И мен Расмуссен екіжақты және сауда қатынастарын және Ресей–Украина соғысын талқылаған.
Ван Даниядан кейін Швеция, Финляндия және Норвегияға барады.
