Президент Зеленский әлеуметтік желідегі парақшасында армия, үкімет және қауіпсіздік құрылымдарының өкілдерімен кездесіп, майдандағы соңғы жағдайды талқылағанын хабарлады.
Оның айтуынша, тараптар Донецк облысындағы Константиновка мен Славянск бағытындағы майдан шебінде Украина армиясының алдағы қадамдарын, сондай-ақ Украина Қарулы күштерінің жеке құрамына қатысты мәселелерді қарастырған. Бұдан бөлек Ресей шабуылдарынан елдің инфрақұрылымын қорғауға бағытталған қосымша шаралар талқыланған.
Зеленский одақтас мемлекеттерден Украинаға әуе қорғанысы жүйелеріне қажет зымырандардың жеткізілімі айтарлықтай қысқарғанына назар аударып, «Әуе қорғанысына жеткізілген зымыран саны 2025 жылмен салыстырғанда үш есе азайды. Бұл тек осы жазға ғана қатысты емес, 2026 жылдың алғашқы алты айын толық қамтиды. Одақтастардың қолында зымырандар бар», – деді.
Сондай-ақ Зеленский Ресейдегі мұнай нысандарына шабуылдардың жалғастырып жатқанын айтып, «Агрессор үшін соғысты созудың құны арта түседі», – деп мәлімдеді.
