Министрліктің «Nsosyal» әлеуметтік желісіндегі парақшасында жарияланған мәлімдемеде 181-реактивті авиация бөлімшесінің 29 шілдеде Эстониядағы Эмари әуе базасына орналасқаны айтылды.

Мәлімдемеге сәйкес, бөлімше 30–31 шілде күндері аймақпен танысу мақсатында ұшуларын орындап, жоспарланған брифингтер мен барлық дайындық жұмысын аяқтады.

«31 шілдеде Эстония тарапы ұйымдастырған кезекшілікті тапсыру рәсіміне НАТО өкілі, «AIRCOM» әуе қолбасшылығы мен басқару бөлімінің жетекшісі полковник Кит Д. Макки, Эстония Қорғаныс министрі Ханно Певкур, Португалия Ұлттық қорғаныс министрі Жоау Нуну де Ласерда Тейшейра де Мелу, Түркия өкілі, Түркияның Эстониядағы елшісі Башак Түркоглу және Түркия Әуе күштері қолбасшылығының қызметкерлері қатысты. 181-реактивті авиация бөлімшеміз 2026 жылдың 1 тамызда сағат 09:00-ден бастап НАТО-ның күшейтілген әуе кеңістігін күзету миссиясы аясындағы «Блок-72» кезекшілігін қабылдады. Миссия барысында тәулік бойы жедел әрекет ету кезекшілігі ұйымдастырылып, НАТО және Эстония Әуе күштерімен бірлескен операциялар орындалады», – делінген мәлімдемеде.