Республикашыл партия өкілі Уилсон «X» әлеуметтік желісіндегі парақшасында Түркия, Сауд Арабиясы және Пәкістан арасында жасалған одақ туралы пікір білдірді.
Америкалық саясаткер: «Мекке қорғаныс одағы Таяу Шығыстың НАТО-сына айналуы мүмкін», — деді. Сондай-ақ ол: «Иран қолдайтын хоуситтердің шабуылдарына қарсы одақ құрғандары үшін одақтастарымыз Түркия, Пәкістан және Сауд Арабиясына ризашылығымды білдіремін», — деді.
Түркия, Сауд Арабиясы және Пәкістан сыртқы істер министрліктері Мекке қорғаныс одағының Стратегиялық саяси және қорғаныс комитетінің кезектен тыс отырысына қатысты бірлескен мәлімдеме жариялаған болатын. Сауд Арабиясының астанасы Эр-Риядта өткен кездесуден кейін жарияланған бірлескен мәлімдемеде комитеттің ұжымдық қорғаныс жөніндегі міндеттемелерді жедел іске асыру туралы шешім қабылдағаны айтылды.
Осыған сәйкес, тараптардың ұлттық заңнамалары ескеріле отырып, келісілген әскери күштер мен құралдарды Сауд Арабиясына орналастыру, оларды жедел түрде жұмылдыру, сондай-ақ қауіп-қатерлерге қарсы дайындықты және ортақ қорғаныс мүмкіндігін арттыру шаралары қолға алынатыны айтылды.
