Түркия, Әзербайжан және Грузияның Бірлескен кеден комитетінің 5-отырысы Әзербайжанның Гөйгөл ауданында өтті.
Әзербайжан Мемлекеттік кеден комитетінің төрағасы Шахин Багыровтың төрағалығымен өткен жиынға Түркия Сауда министрінің орынбасары Сезаи Учармак және Грузия Қаржы министрінің орынбасары әрі Кірістер қызметінің басшысы Мамука Бараташвили қатысты.
Әзербайжан Мемлекеттік кеден комитетінің мәліметінше, отырыста үш елдің кеден қызметтері арасындағы қазіргі ынтымақтастық пен оны одан әрі дамыту бағыттары қаралды.
Орта дәліз бойындағы жүк тасымалы көлемінің артуына байланысты транзиттік рәсімдерді жеделдету, кедендік рәсімдерді жеңілдету, электрондық ақпарат алмасу және цифрлық кеден жүйелерін дамыту, сондай-ақ шекарадан өту рәсімдерін жылдамдату мәселелері талқыланды.
Баку–Тбилиси–Карс теміржолы аясында транзиттік рәсімдерді жеңілдету және кеден қызметтері арасындағы үйлестіруді күшейту, транзиттік кеден рәсімдерін өзара сәйкестендіру, алдын ала электрондық ақпарат алмасуды жетілдіру, тәуекелдерді басқару тетіктерін нығайту және кедендік құқық бұзушылықтарға қарсы күрестегі ынтымақтастықты дамыту мәселелері де қаралды.
Сонымен қатар бұған дейінгі кездесулерде қол жеткізілген келісімдердің орындалуы сараланып, алдағы кезеңге арналған жұмыстар айқындалды. Жиын соңында хаттамаға қол қойылды.
