Алынған мәліметке сәйкес, 2026 жылдың 25 маусымында Венесуэланың Яракуй өңірінде Түркия уақытымен сағат 01:04-те 7,2 және 01:05-те 7,5 балдық екі жер сілкінісі болғаннан кейін Түркия шұғыл әрекетке көшті.
Апат және төтенше жағдайлар басқармасының үйлестіруімен Сыртқы істер министрлігі, Ұлттық қорғаныс министрлігі, Денсаулық сақтау министрлігі және Президент әкімшілігінің қауіпсіздік істері бас басқармасы бастаған мекемелер арасында байланыс орнатылып, көмек көрсету дайындықтары аяқталды.
38 адамнан тұратын іздестіру-құтқару және гуманитарлық көмек тобы жолға шықпақ
Бас штабпен жүргізілген үйлестіру аясында бөлінген «A-400M» әскери ұшақпен Измир және Денизлиден 37 адамдық Апат және төтенше жағдайлар басқармасының іздестіру-құтқару және гуманитарлық көмек тобы, Денсаулық сақтау министрлігіне қарасты 6 адамдық Ұлттық медициналық құтқару тобы, Түрік Қызыл Жарты Ай қоғамынан 2 гуманитарлық көмек қызметкері, 2 іздеу иті және толық жабдықталған 3 іздестіру-құтқару көлігі апат аймағына жіберілмек.
Сыртқы істер министрлігі мен Түркияның Венесуэладағы елшілігі арқылы аймақтағы жағдай мен қажеттіліктерді бағалау үдерісі мұқият қадағаланып отыр.
