Израиль армиясы дүйсенбі күні бітімнің күшінде болуына қарамастан Оңтүстік Ливандағы шекара маңындағы аудандар мен кейбір ауылдарға жақындамауға шақырды.
Армияның ресми өкілі Авихай Адраи бірнеше ауыл мен оның маңын қамтитын шептің оңтүстігінде бейбіт тұрғындардың «қозғалуына тыйым салынғанын» мәлімдеді. Адраи “X” желісіндегі жазбасында Оңтүстік Ливандағы бірнеше жерді атап өтті.
Сондай-ақ ол Литани өзеніне, Салхани аңғарына және Слуки аймағына жақындамау жөнінде ескерту жасады.
Адраи сонымен қатар Накура, Марун әл-Рас, Бинт-Жбейл, Айта аш-Шааб және Майс әл-Жабаль сияқты шекараға жақын ондаған ауылға қайта оралмауға шақырды.
Ливан билігінің хабарлауынша, 2 наурыздан бері Израильдің Ливанға жасаған шабуылдарынан шамамен 2 300 адам қаза тауып, 7 500-ден астам адам жараланған, ал 1 миллионнан астам адам өз үйін тастап кетуге мәжбүр болған.
Бұл әрекеттер өткен бейсенбі күні күшіне енген 10 күндік уақытша бітімнен кейін жасалды.
