Ливия Өкілдер палатасы 2019 жылы Түркиямен жасалған теңіз аймақтарының шекарасын белгілеу туралы меморандумды бекітті.
Ливия Өкілдер палатасының мәлімдемесінде парламент отырысының Бенгази қаласында өткені хабарланды.
Мәлімдемеге сәйкес, Өкілдер палатасы 2019 жылы Ливияның Ұлттық келісім үкіметі мен Түркия арасында Жерорта теңізіндегі юрисдикция аймақтарының шекарасын белгілеу жөнінде қол қойылған меморандумды бірауыздан мақұлдады.
«Өкілдер палатасы сондай-ақ Ұлттық келісім үкіметі мен Түркия арасында жасалған екі меморандумды бекітуден бас тарту туралы 2020 жылғы №1 шешімнің күшін бірауыздан жойды», – делінген мәлімдемеде.
