Финляндия президенті Александр Стубб 27 мүшесі бар Еуропалық Одақтың құрамын кеңейтіп, мүше елдер санын 40-қа жеткізу қажеттігін атап өтті.

Финляндия астанасы Хельсинкиде өткен конференцияда сөз сөйлеген Стубб Еуропалық Одақтың ауқымды стратегия жүргізу керектігін айтты.

Ол ЕО-ның кеңеюін «Еуропаның ең мықты саясаты» деп бағалап, «Еуропалық Одақ мүше елдер санын 40 елге дейін жеткізуге ұмтылып, Ұлыбритания, Канада, Түркия, Норвегия және Исландияны әлеуетті үміткер мемлекеттер ретінде қарастыруы тиіс», – деді.

Стубб Черногория мен Албанияның ЕО-ға мүшелікке ең жақын елдер екенін атап өтіп, 2020 жылы Одақтан шыққан Ұлыбританияның қайта қосылуының маңыздылығына тоқталды.

Сондай-ақ ол Украина, Молдова және Грузияның да ЕО-ға мүшелік жолында ілгерілеу бар екенін  айтып, «Түркияны байыппен қарастыруымыз керек. Қазір Түркия туралы ешкім сөз қозғамайды. Қауіпсіздік тұрғысынан Түркияның бізге барынша жақын болуы маңызды», – деді.